مين اللي قال القطر هو الحياه

القطر عارف مبتداه ومنتهاه

القطر حافظ سكته رغم البعاد

القطر بيفوت في الحديد ما يقولش آه

محمد طلبة رضوان

18/12/2007

وقفة عيد الأضحى

في ذكرى ميلاد الشيخ الجليل..نجيب محفوظ

عيدك اليوم ..
مأتم العاشقين
أين أنت يا من تربيت في حجر نثره !
أين كنت اليوم قبل تسعين عاما
أطفلا صغيرا،
ترى الكون أشهى وأبهى ؟
أحقا " نجيب " ،
أكنت صغيرا؟!!
تحب الشقاوة،
وتأبى الجلوس الى الدرس مثل صغار البشر؟
....................................................

وفي عامك العشرين
أكنت تقهقه مثل الشباب؟!!
وترتع خلف الغواني،
وإثر البنات ،
شعاعا يروم اللذائذ كالعابثين؟
.....................................................

أيا صاحب المجد
قل لي بربك
متى كان أول وحي حكيم
أفي الأربعين؟
ومثلك كالأنبياء حزين
متى جاء جبريل يركض نحوك
كي تقرأ الناس
في كل نزق
وفي كل ألم
وفي كل أمل
وفي كل حين
......................................
متى قيل " اقرأ"
لتقرأ آيات عشق قديم
وتدخل حارات مصر العتيقة
دروب الخلود
بسحر البيان
وسيف اليقين

متى يا خاتم الأنبياء؟
متى يا خاتم المرسلين؟

فزورة!

مين يقدر يقوللي مين القمر اللى في الصورة
مع العلم انه شاعر كلنا بنحبه
شاعر كبييييييييييييييييييييييييييييير

حضرة المحترم

لم يبق منه سواه

في ذكراه
فكرت ان ارجو رضاه ببعض شعر
او بعض نثر من شذاه
لكننى من فرط ما اسرفت في فعل التذكر
جاءت دموع سطوره لتعزنى
فاذا باحداهن تلمحنى
احاول محوها
فأبت بأن ترضى
" وحرمتني القصيدة "

فى حب الاستاذ العظيم " نجيب محفوظ "
بداية ونهاية
انور المعداوى
http://www.shorouk.com/naguibmahfouz/in_thepress/press_3.pdf
عبقرية استشراف المستقبل
دنيس جونسون ديفز
http://www.shorouk.com/naguibmahfouz/in_thepress/press_7.pdf
كيف تعرفت على نجيب محفوظ
رجاء النقاش
http://www.shorouk.com/naguibmahfouz/in_thepress/press_1.pdf
كفاح طيبة
الشهيد : سيد قطب
http://www.shorouk.com/naguibmahfouz/in_thepress/press_2.pdf

عندى ندوة يوم السبت

عندى امسية فى مكتبة طلعت حرب
فى حى السيدة نفيسة
منطقة زينهم
يوم السبت
11 / 8 / 2007
الساعة 6 مساء
وغالبا سيأتي هذا الشاب الوسيم ابو كرافته الجالس بجانبى فى الصورة
ومزاحمنى فى حياتي كلها
فعلى جميع القادمين الاحتراز
لا سيما البنات الحلوات
" من الفتنة الطاغية لهيمو الخطير طبعا"
ادعو لى لعلنى اتمكن من الحضور
تحياتي

مصر التى فى خاطره

عمنا الكبير صلاح جاهين
ومصر التى لم نرها نحن ابناء القرن الجديد

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

......................................

مصر الحكاوى ع القهاوى والملل

والطنطنة والنفسنه والمحسوبية والجدل

وموظفين ساقعة كما القهوة ومن غير وش

مصر العساكر فى الميدان والبلطجية

وأمين بيزعق فى القطيع

كفه كما غدر الزمان

عشش فى عضم الكهل

وف دمع الرضيع

مصر البراءه فى الشوارع

بتبيع نصيبها من الفرح

لجل الرغيف

مصر المشايخ والقسس

بيحرموا زعق الغريق

ويهللوا للبحر والموج الجرئ

مصر المقابر للحياة

والموت لفك الاشتباك

باهته كما الميه

ساذجه

كما الغر اللى بيسمى ويشرب

ويحمد ربنا على أي حاجه

ويقول رضا ..

مصر البيوت التايهه فى الملكوت

تهرب ..

تموت م الغربة والاشواق

ترجع..

تعيش تايه

وبرده تموت