فزورة!

مين يقدر يقوللي مين القمر اللى في الصورة
مع العلم انه شاعر كلنا بنحبه
شاعر كبييييييييييييييييييييييييييييير

حضرة المحترم

لم يبق منه سواه

في ذكراه
فكرت ان ارجو رضاه ببعض شعر
او بعض نثر من شذاه
لكننى من فرط ما اسرفت في فعل التذكر
جاءت دموع سطوره لتعزنى
فاذا باحداهن تلمحنى
احاول محوها
فأبت بأن ترضى
" وحرمتني القصيدة "

فى حب الاستاذ العظيم " نجيب محفوظ "
بداية ونهاية
انور المعداوى
http://www.shorouk.com/naguibmahfouz/in_thepress/press_3.pdf
عبقرية استشراف المستقبل
دنيس جونسون ديفز
http://www.shorouk.com/naguibmahfouz/in_thepress/press_7.pdf
كيف تعرفت على نجيب محفوظ
رجاء النقاش
http://www.shorouk.com/naguibmahfouz/in_thepress/press_1.pdf
كفاح طيبة
الشهيد : سيد قطب
http://www.shorouk.com/naguibmahfouz/in_thepress/press_2.pdf

عندى ندوة يوم السبت

عندى امسية فى مكتبة طلعت حرب
فى حى السيدة نفيسة
منطقة زينهم
يوم السبت
11 / 8 / 2007
الساعة 6 مساء
وغالبا سيأتي هذا الشاب الوسيم ابو كرافته الجالس بجانبى فى الصورة
ومزاحمنى فى حياتي كلها
فعلى جميع القادمين الاحتراز
لا سيما البنات الحلوات
" من الفتنة الطاغية لهيمو الخطير طبعا"
ادعو لى لعلنى اتمكن من الحضور
تحياتي

مصر التى فى خاطره

عمنا الكبير صلاح جاهين
ومصر التى لم نرها نحن ابناء القرن الجديد

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

......................................

مصر الحكاوى ع القهاوى والملل

والطنطنة والنفسنه والمحسوبية والجدل

وموظفين ساقعة كما القهوة ومن غير وش

مصر العساكر فى الميدان والبلطجية

وأمين بيزعق فى القطيع

كفه كما غدر الزمان

عشش فى عضم الكهل

وف دمع الرضيع

مصر البراءه فى الشوارع

بتبيع نصيبها من الفرح

لجل الرغيف

مصر المشايخ والقسس

بيحرموا زعق الغريق

ويهللوا للبحر والموج الجرئ

مصر المقابر للحياة

والموت لفك الاشتباك

باهته كما الميه

ساذجه

كما الغر اللى بيسمى ويشرب

ويحمد ربنا على أي حاجه

ويقول رضا ..

مصر البيوت التايهه فى الملكوت

تهرب ..

تموت م الغربة والاشواق

ترجع..

تعيش تايه

وبرده تموت

اندرو وماريو

القصة بإختصار ان رجلا قبطيا تزوج من امرأة قبطية وانجبا طفلين ثم اشهر الرجل اسلامه وترك اسرته لسبع سنوات مضت ثم جاء اليوم ليطالب بالحاق اندرو وماريو به عقديا وبالتغيير القانونى المشروع من وجهة نظره لعقيدتهما

الاب يطالب بان يتحول اولاده من المسيحية الى الاسلام باعتباره دين الاب الذى ينص القانون على كونه الدين الرسمى للاطفال

والام التى راعت وربت وتحملت مسئولية الاولاد مذ تركهم الاب ترفض بشدة وتقول ان للاولاد حق اختيار عقيدتهم

والطفلين رفضا ان يعترفا بكونهما مسلمين ورفضا دخول امتحان مادة الدين الاسلامى فى المدرسة وكتب احدهما فى ورقة الاجابة " انا مسيحى "

القضية اشعرتنى اننا مجتمع بلا كبير يحكمه فلا نحن دولة القانون ولا حتى نملك من القيم الحضارية والانسانية المشتركة ما يفصل بيننا فى مثل هذه الاحوال

لا انكر تعاطفى مع الام

الا ان حق الاب فى ان ينشأ اولاده على دين ابيهم ايضا لا ينكره منصف

قضية محيرة اتمنى ان تشاركونى فيها التفكير ولعلها فرصة للبحث عن آلية عامة تحكمنا فى مثل هذه الظروف وغيرها من القضايا الشائكة والمركبة بشكل يستعصى على الحلول السريعة والاراء الفردية

ولتكن " محاولة " .

حزنك لوحدك

حزنك لوحدك


الحزن ضاحك عليك
ومفهمك انه بصراحته
أولى بيك
وانك بتاعه
وان أنت محتاج له النهارده
قبل بكره
لجل ما يهون عليك رقة مشاعرك
وسمار ملامحك
وامتهان الآخرين لمميزاتك
وافتعالك للحياة
علشان تعيش
كل ده هيشيله عنك
دورانك الأزلي فى دوامتك
ووشوشهم اللى اتسرسبت
لخيالك المهزوز
وخدت مكانك
نفس الوشوش
نفس البيبان اللى عرفت وراها ايه
لكن هتفتح
لجل ما تعرف كمان
نفس الأماكن والكلام
حتى ابتسامتك
قفل مش ممكن يسيبك تفتحه
الا بأيديه
ومفهمك انك رضيت
ومعادش للفرح فى حياتك سهم
الاحتمال نفسه ما عادش محتمل
وانك هتعرف قبل ما يفوت الأوان
قيمة سكاتك
وتمن رضاك
وانك هتفرح يومها جدا
إن أنت عشت معاه حياتك
وانك هتتمناه لناسك
لجل ما يعيشوا الحياة!
زيك تمام
......................................
ومفهمك
ان انت مش مخلص كفاية!
ومفهمك
انك بعيد!
رغم التوحد
لساك بعيد
لساك بعيد
......................................

محمد طلبة رضوان

7 / 2007